ឱកាសការងារស្ម័គ្រចិត្ត

ក្រៅពីករណីកម្រមួយចំនួន បុគ្គលិកស្ម័គ្រចិត្តជនជាតិបរទេសមិនត្រូវធ្វើការជាមួយអតិថិជនដោយផ្ទាល់ទេ ទោះបីជាជាមួយកុមារ ឬគ្រួសារក៏ដោយ។ មានករណីលើកលែងមួយចំនួនដោយក្នុងនោះ ជំនាញរបស់បុគ្គលិកស្ម័គ្រចិត្ត គឺត្រូវអនុវត្តដោយផ្ទាល់ជាមួយអតិថិជនដូចជា នៅពេលអ្នកជំនាញផ្នែកវេជ្ជសាស្ត្រត្រូវព្យាបាលអ្នកជម្ងឺដោយផ្ទាល់។ ក្រៅពីករណីដូចបានបង្ហាញ បុគ្គលិកស្ម័គ្រចិត្តបរទេសមានតួនាទីត្រឹមតែផ្ដល់នូវចំណេះដឹង និងការគាំទ្រតែប៉ុណ្ណោះ ទៅលើការអនុវត្តការងារជាមួយអតិថិជន។

អង្គការកុមារក្នុងគ្រួសារ ផ្ដល់តម្លៃខ្ពស់ទៅដល់ភាពទំនាក់ទំនងជាភាសាជាតិ ភាសាខ្មែរ។ ទោះបីជាសមាជិកបុគ្គលិកស្ម័គ្រចិត្តរយៈពេលខ្លីជនជាតិបរទេស មានទំនាក់ទំនងការងារជាភាសាអង់គ្លេស អង្គការកុមារក្នុងគ្រួសារនៅតែជម្រុញឲ្យបុគ្គលិកបរទេសចេះភាសាខ្មែរ។

ទីក្រុងភ្នំពេញមានផ្ដល់ជូនជម្រើសមួយចំនួនដែលលោកអ្នកអាចរៀនភាសាខ្មែរបាន ហើយបុគ្គលិកស្ម័គ្រចិត្តក៏អាចប្រើប្រាស់ម៉ោងធ្វើការរបស់ពួកគេរៀននិយាយភាសាខ្មែរជាមួយបុគ្គលិកខ្មែរបាន។